Ministri i Jashtëm austriak, Sebastian Kurz filloi sot turin e vizitave në Ballkanin Perëndimor, njoftoi agjencia zyrtare austriake e lajmeve, APA.
”Austria kërkon ta shohë Ballkanin Perëndimor në Bashkimin Evropian”, deklaroi Kurz, i cili shtoi se ky tur vizitash bëhet pikërisht për të konfirmuar mbështetjen e Austrisë për këtë qëllim.
Sot, Kurz ishte për vizitë zyrtare në Bosnje-Hercegovinë.
Gjatë ditëve të ardhshme, ai do të vizitojë edhe Serbinë, Malin e Zi, Shqipërinë, Kosovën dhe Maqedoninë.
”Ky tur përbën një sinjal të qartë për lidhjen tonë të vazhdueshme me Ballkanin Perëndimor. Austria ka qenë e lidhur me këtë rajon ekonomikisht, kulturalisht dhe historikisht. Qasja e BE-së me këto vende do të sjellë më shumë stabilitet dhe mirëqenie si edhe do të sigurojë më shumë punë”, deklaroi Kurz.
