Ministri i Punëve të Brendshme, Oliver Spasovski, i cili është kuadër i LSDM-së opozitare dhe mori postin pas marrëveshjes së Përzhinos, ka njoftuar se ka filluar hetime të reja për rastin e Kumanovës, me qëllim që të zbardh dyshimet e ngritura në opinion.
“Në kuadër të MPB-së jam duke bërë disa hetime, po bëj përpjekje që të marr disa informacione me qëllim që t’i zbardhim këto raste, t’i ndërpresim këto spekulime, ose t’i vërtetojmë spekulimet që janë në opinion. Por ajo që është më kryesorja është që opinioni ta ketë informacionin e vërtetë”, ka thënë Spasov për Radio Evropa e Lirë.
Sa i përket rastit Monstra, Spasovski ka thënë se kjo lëndë me siguri do të shqyrtohet nga ana e Prokurorisë Speciale dhe në këtë drejtim MPB do të jetë e gatshme për të ndihmuar në rast nevoje Prokurorinë Speciale.
