Ministri i Brendshëm francez Bruno Le Roux pas takimit që zhvilloi me ministrin Saimir Tahiri, kanë zgjedhur t’i drejtohen në këmbë Drejtorisë së Policisë Tiranë duke përshkruar në këmbë rrugën “Myslym Shyri”.
Në Drejtorinë e Policisë Tiranë ministri Le Roux ka vizituar nga afër Sallën Operative 112 si dhe u njoh me Aplikacionin e Komisariatit Dixhital të cilin Le Roux e provoi dhe vetë.
Pasi pa nga afër makinat elektrike të Policisë Rrugore, ministri francez nuk mundi t’i rezistonte tundimit për të provuar një të tillë.
Duket se teknologjia e përdorur në Policinë e Shtetit i la mbresa të konsiderueshme ministrit të Brendshëm francez Bruno Le Roux i cili gjatë konferencës për shtyp nuk la pa i vënë në dukje.
“Pata rastin, nën shoqërinë e homologut, të vizitoj gjithë Sallën Operative ku është instaluar një teknologji shumë e lartë. Natyrisht Shqipëria ka shumë gjëra për të mësuar nga Franca, por sot pashë që edhe ne ndoshta kemi gjëra për të mësuar nga ju’’ theksoi Le Roux./a.m.
