Nikos Vutsis, ministri i brendshëm i Greqisë, ka pasur një lajm të keq për të gjithë. Për ndërkombëtarët që presin paratë e borxheve të pafund, por edhe për grekët, të cilët e shohin veten në buzë të greminës. Në një intervistë për TV grek Mega, ai ka thënë shprehimisht se “katër këstet për llogari të FMN vlejnë 1.6 miliard dollarë dhe këto para nuk do të derdhen, pasi nuk i kemi”. Deklarata ka vënë menjëherë në lëvizje mediat e botës, të cilat kanë botuar lajmin, shoqëruar nga sqarimi i mëtejshëm i ministrit të financave Varufakis, i cili ka thënë se nëse vendi i tij kthehet tek dhrahmia, për euron do të jetë fundi.
