Ministri i Mjedisit, Lefter Koka dhe ministrii i Shtetit për Çështjet Vendore, Bledi Çuçi. zhvilluan një takim me ambasadorin e OSBE-së në Shqipëri, Florian Raunig. Takimi konsultativ u përqendrua me vlerësimin e riskut të korrupsionit në fushën e mjedisit.
Ambasadori Raunig vlerësoi punën e ministrit të Mjedisit në këto 20 muaj duke vlerësuar reformat ligjore dhe administrative të realizuara në fushën e mjedisit, duke theksuar se mjedisi zë një vend të veçantë në hapjen e negociatave të Shqipërisë me BE-në.
Nga ana e tij, ministri Koka falenderoi ambasadorin Raunig për mbështetjen dhe sugjerimet e vlefshme që OSBE ka dhënë dhe jep në fushën e mjedisit. Ministri Koka theksoi se është punuar intensivisht për kryerjen e reformave në mjedis, rritjen e performancës së institucioneve, rritjen e kapaciteteve dhe forcimin e kontrollit, rritjen e transparencës dhe sjelljen e mjedisit në vëmendje të shoqërisë shqiptare. “Kemi bërë mjaft reforma, por puna vazhdon për të përmirësuar legjislacionin në fushën e mjedisit me qëllim arritjen e standarteve të Bashkimit Europian”, tha Ministri Koka.
Gjatë takimit, ministri i Mjedisit, ministri i Çështjeve Vendore dhe ambasadori i OSBE-së, ndanë të njëjtin mendim mbi impaktin pozitiv të reformës administrative territoriale në zgjidhjen e problematikave në fushën e mjedisit
