Erion Braçe ka folur sot ne Vizion Plus për listat e kandidatëve te PS dhe zgjedhjet e ardhshme. I pyetur se kush duhet të jenë në listën e mbyllur ata që cilësohet zona e sigurtë, Braçe tha se aty duhet të jenë vetë të rinjtë që janë evidentuar në zonat e tyre brenda Partisë Socialiste.
Sa iu përket zyrtarëve të lartë nga deputetët aktualë, ministrat, apo edhe Drejtorët e Përgjithshëm, Braçe tha se ata të gjithë duhet të jenë në fushë betejë dhe të luftojnë e punojnë për çdo votë.
Braçe: Këtu unë kam një rezervë shumë të madhe. Nga këta që hyjnë për herë të parë në lista, ka që kanë qenë ministra. Normalisht ministrat nuk mund të konsiderohen si një djalë apo vajzë e re në një territor të caktuar brenda PS. Patjetër që ai në ose ajo meritojnë të mbështeten duke qenë në këtë pjesë të sigurt. Kjo kategori që kanë qenë ministra, kryetarë bashkie, apo drejtues këta duhet të jenë pjesë e fushëbetejës, ku në çdo rast ajo që duhet të prevalojë duhet të jetë merita.
