ilitantët islamikë kanë sulmuar një hotel në Somali. Mësohet se autorët e kësaj ngjarje janë përplasur me armë me forcat e sigurisë në kryeqytetin Mogadishu. BBC shkruan se pas këtij sulmi fshihet grupi Al-Shabab. Ngjarja nisi pas shpërthimit të një makine bombë të dielën pasdite.
Ndërkohë Reuters ka raportuar për 9 viktima. Grupi terrorist lidhet me Al-Kaedën dhe sulmon vazhdimisht qeverinë. Një makinë goditi hyrjen qendrore të hotelit dhe shpërtheu disa momente përpara se autorët të hynin në ndërtesë.
“Shpërthimi shkaktoi dridhjen e hotelit ndërkohë që po qëndronim brenda. Ishim të panikosur dhe të hutuar”, ka deklaruar një dëshmitar.
Kryeministri Mohamed Hussein Roble tha në një deklaratë se mes viktimave është edhe një ish-gjeneral ushtrie. Ndërkohë hoteli i shënjestruar prej militantëve është një prej më të ruajturit në kryeqytetin somalez.
Ai njihet për shkak se aty mblidhen zyrtarët e qeverisë. Policia tha se në momentin e ngjarjes brenda ndodheshin disa ligjvënës të vjetër.
/a.r
