Dhjetëra miliona emra të përdoruesve dhe fjalëkalime të përdoruesve të Gmail, Hotmail dhe Yahoo janë hakuar, dhe janë treguar online, sipas një eksperti të sigurisë.
Të dhëna nga rreth 97 milionë llogari janë vjedhur si pjesë e një sulmi masiv kibernetik, i cili mendohet se do të ndikojë në 272.3 milionë përdorues të emaileve në mbarë botën, thotë Alex Holden, drejtori dhe themeluesi i kompanisë së sigurisë “Hold Security”.
Kjo është njëra nga vjedhjet më të mëdha të të dhënave në viteve të fundit e shitja e të dhënave është duke u tregtuar në Rusi. Mendohet se janë vjedhur kredenciale nga rreth 40 milionë llogari të Yahoo Mail, 33 milionë llogari të Hotmail dhe 24 milionë llogari të Gmail.
Por vjedhjet më të mëdha mendohet se kanë ndodhur në shërbimin më të populluar të emaileve në Rusi, Mail.ru.
Holden, i cili ka folur për Reuters, më parë ka zbuluar një vjedhje të madhe të të dhënave që prekte miliona përdorues të sistemit të Adobe, JPMorgan dhe Target. (b.an)
