Milani po punon të firmosë me mesfushorin Ivan Rakitic. Kroati nuk po gjen veten te Barcelona, pasi trajneri Ernesto Valverde e ka anashkaluar krejtësisht. Ai do të largohet, pasi do të marrë minuta dhe të luajë rregullisht.
Interi u raportua se dëshironte të afronte në “San Siro” lojtarin, madje palët ishin afër, por negociatat kanë ngecur. Destinacioni është po i njëjtë, “San Siro”, por është Milani që kërkon të bindë lojtarin.
Mundo Deportivo shkruan se Zvonimir Boban po punon qe të marrë bashkëkombasin e tij në San Siro. Rakitic nuk është kundër një ideje të tillë, por joshet sërish nga Interi. Objektivat e zikaltërve janë më të mëdha dhe kroati do të jetë në një ekip protagonist.
Granit Xhaka nuk po kalon një moment aspak të mirë tek Arsenali, teksa si pasojë e ngjarjeve të fundit me tifozët, i është hequr edhe shiriti i kapitenit. Largimi në janar duket thuajse i sigurt dhe tashmë kanë nisur hipotezat e para.
Së fundmi, një lajm i bujshëm po qarkullon në media, ku thuhet se Xhaka mund të kalojë te Milani në janar. Diçka të tillë e ka raportuar “Calciomercato.com”, që shkruan se Pioli dhe drejtuesit e Milanit po e monitorojnë situatën e mesfushorit dhe mund të nisin bisedimet me Arsenalin.
g.kosovari
