Nga raportet e fundit thuhet që Apple nuk do të përdorë ekranet OLED për pajisjet e saj, por në vend të tyre do të përdorë mikroLED.
Wang Jyh-chau, CEO i fabrikës së prodhimit të ekraneve, beson që OLED nuk ka gjasa të zëvendësojë ekranet LCD siç mendohej deri tani, por në vend të tyre pajisjet do të kenë ekrane mikroLED që së shpejti do të bëhen një teknologji e zakonshme.
Duke dhënë prova për këtë ai tha se Apple kishte blerë LuxVue, një kompani e prodhimit të ekraneve mikroLED, para disa viteve dhe tani sapo kishte hapur një laborator mikroLED në Taivan për të punuar mbi ndërtimin e ekraneve.
Aktualisht nuk ka ndonjë prodhues masiv të ekraneve mikroLED dhe nëse Apple mund ta realizojë vetë prodhimin e tyre, atëherë ajo do të përdorë ekranet e saj në çdo pajisje që mban logon e Apple, pa pasur nevojë t’i blejë ato nga kompani të tjera dhe të ketë diçka të ngjashme me konkurrentët e saj.
Pra pse janë kaq të mirë ekranet mikroLED që Apple tenton t’i prodhojë vetë?
Një nga avantazhet më të mira të tyre është se janë shumë të hollë dhe të lehtë, ndërkohë që ofrojnë edhe spektër më të gjerë ngjyrash, më shumë dritë dhe rezolucion më të mirë. Por sigurisht që kanë edhe disavantazhin e kostos shumë të lartë, i cila është edhe arsyeja pse ata nuk janë përdorur deri tani në prodhimet masive telefonike.krokodili.al/a.k
