Një aksident rrugor i ka marrë jetën një 72- vjeçari në aksin rrugor Fier- Sheqishte, në vendin e quajtur “Ura me Hekur”.
Një mikrobus me targa AA 926 ND që transportonte nxënës të një shkolle jopublike, është përplasur me një motor tip “Yamaha” në të cilin udhëtonin një çift bashkëshortësh nga fshati Frashër në Fier.
Si pasojë e përplasjes, u plagosën rëndë drejtuesi i motorit Kristaq Silo 72 vjeç dhe bashkëshortja e tij Jorgjie Silo 69 vjeçe. Por i moshuari nuk mundi t’i mbijetojë plagëve të marra dhe humbi jetën në spital, pas përpjekjeve të mjekëve për t’i shpëtuar jetën.
Edhe bashkëshortja e tij mësohet se ndodhet në gjendje të rëndë shëndetësore.
Policia arrestoi drejtuesin e mikrobusit Artan Rusto 43 vjeç si dhe po punon për zbardhjen e plotë të shkaqeve të aksidentit./a.m.
