Ish ambasadori Mal Berisha ka publikuar në rrjetin e tij social sms e fundit që ka shkëmbyer me gazetarin e pedagogun Agim Nezaj, i cili u nda nga jeta ditën e djeshme në SHBA.
“Takimin e fundit me ty e pata në nëntorin e vitit të kaluar. Nuk mund të largohesha nga Nju Jorku pa të takuar pasi e dija se ti po luftoje për jetën kundër vdekjes. Më tregove, jo pa doza shqetësimi, por me një optimizëm të pashoq, se sa shumë të kishte lodhur sëmundja dhe sa shumë të mundonte kimioterapia. Por, më the, kishe besim të madh tek Zoti dhe mjekësia amerikane.
Tani to je nisur drejt udhëtimit tënd prehës në paqë. Por tek miqtë tuaj të shumtë nga tëra anët ke lënë një boshllek të madh. Ai boshllek nuk mbushet pa praninë tënde. E megjithate, trashëgimia jote do të jetojë gjatë. Mirësia, humanizmi, vepra e shkruar dhe ajo që ti mbase nuk e përfundove do të mbeten në kujtimet e tërë atyre që të njohën dhe të deshën.
Ngushëllimet për ty janë të vështira, por prapëseprapë ngushëllimi për fëmijët, zonjën tënde, familjen, prindërit dhe vëllazërinë tënde është emri që iu le mbrapa. U prefsh në Paqë miku im!”- shkruan Mal Berisha. a.k
