Legjenda e muzikës rock Mick Jagger, lider i grupit Rolling Stones, sot fik 72 qirinj në tortën e tij të ditëlindjes. I lindur 72 vjet më parë, Michael Phillip (Mick) Jagger u bë që në vitet ’60 një ndër figurat qëndrore të muzikës rock në shkallë botërore. Nga martesat e bujshme, jeta e skajshme, koncertet legjendare dhe disqet e panumërta të publikuara me miqtë e tij të Rolling Stones, Jagger vijon të jetë një ndër ikonat kryesore të spektaklit dhe muzikës moderne.
