Michael Douglas është duke vdekur, pas kthimit të kancerit? Zërat u përhapën shpejt pak më shumë se dy javë më parë nga një tabloid.
Njerëzit pranë aktorit amerikan, 71 vjeç, e përgënjeshtruan menjëherë me anë të një komunikate, por mungesa e fotove dhe videove bënë që dyshimet të shtoheshin.
Dhe për këtë arsye Douglas vendosi ta përgënjeshtronte vetë lajmin për shëndeti e tij.
Aktori publikoi një video në Facebook ku tregon se është në formë të mirë, para se të bëjë një zhytje në ujë, gjatë pushimeve të ditëve të fundit në Meksikë.
Përgënjeshtrimi është i hidhur: “Sapo jam kthyer nga pushime përrallore pranverore në Meiksikë me familjen time dhe zbulova përsëri gabimin e një tabloidi të shpifur. Jam këtu për t’u thënë admiruesve të mi se nuk mund të ndjehem më mirë e më i lumtur se kaq. Po festoj përvjetorin e pestë pa kancer. Para disa javëve bëra kontrollin e përvitshëm dhe jam 100 përqind i lirë nga kanceri”.
