Një 31-vjeçar në Kallarat të Vlorës është vënë në pranga si i akuzuar për ‘prodhim dhe shpërndarje të lëndëve narkotke’. Gjatë kontrollit në automjetin dhe banesën e tij policia ka arritur të sekuestrojë në cilësinë e lëndës narkotike 14 kg dhe 406 gr të lëndës narkotike lloji kanabis sativa.
Identifikimi i këtij personi është bërë nëpërmjet metodave speciale të hetimit dhe në bashkëpunim me Prokurorinë e Rrethit Gjyqësor Vlorë. Ndër të tjera policia thotë se vijon puna për dokumentimin e plotë të kësaj veprimtarie kriminale, ndërsa materialet iu referuan prokurorisë për veprime të mëtejshme. /e.s/
