Duket se Presidentit Ilir Meta i ka shkuar mundimi kot duke i dërguar një letër Presidentit Trump, ku i kërkon falje për votën e Shqipërisë në OKB kundër shpalljes së Jeruzalemit si Kryeqytet i Izraelit. Presidenti Meta, në një përpjekje për të diskretituar qeverinë shqiptare në lidhje me votën kundër shpalljes së Jeruzalemit si kryeqytet i Izraelit, u përpoq të distancohej duke deklaruar se votimi nuk është bërë në konsultim dhe të dhe parlamentin dhe se për këtë do të kërkojë shpjegime.
Por i gjithë ky mundim i kreut të shtetit shqiptar që se ka për gjë të telendise politikën zyrtare të Shqipërisë në emër të luftës së brendëshme politike ka dal tërësisht huq. Vetë Shtetet e Bashkuara kanë sqaruar deklaratën e presidentit Donald Trump lidhur me votimin në OKB për Jeruzalemin si kryeqytet të Izraelit. Zëdhënësja e Departamentit Amerikan të Shtetit, Heather Nauert, duke përsëritur deklaratën e Trump theksoi se vota në OKB nuk do të jetë i vetmi faktor që qeveria amerikane do të marrë parasysh në marrëdhënie me shtetet e tjera.
“Dua të përsëris atë që presidenti Trump ka thënë dje dhe se votimi nuk është i vetmi faktor që administrata do të marrë në konsideratë në lidhje marrëdhëniet tona të jashtme me vendet që kanë zgjedhur të votojnë në një mënyrë ose në tjetrën”, deklaroi Heather Nauert.
Reagimi erdhi pasi ambasadorja amerikane në OKB, Nikki Haley, pati deklaruar se SHBA nuk do ta harronte këtë votë.
“Ne do ta kujtojmë këtë kur të na kërkohet përsëri të japim kontributin tonë në Kombet e Bashkuara, organizmi më i madh në botë.
Do ta kujtojmë gjithashtu kur shumë vende të vijnë e të na kërkojnë, siç bëjnë aq shpesh që ne të paguajmë akoma më shumë dhe të përdorim ndikimin tonë në dobi të tyre”, deklaroi ambasadorja.
Nisur nga qëndrimi i Shtëpisë së Bardhë bëhet e qartë se votimi për Jeruzalemin s’ka asnjë ndikim në marrdhëniet mes SHBA dhe vendeve të tjera. Në këtë kuptim letra e Metës shkoi dëm dhe është dëshmia e një përpjekje vecse për t’i bërë dëm Shqipërisë.
ma.me/javanews.al
