Në emisionin “Frontline” në News24, me gazetaren Marsela Karapanço, ish-deputeti Spartak Braho ka folur në lidhje me presidentin e ri Bajram Begaj, për të cilin tha se është i pavarur dhe se nuk është i kapur nga kryeministri Edi Rama.
“Bajram Begajt nuk mund ti imponohet asnjë minutë sepse e njoh nga afër. Më bëri përshtypje se në Twitter Rama nuk uronte por i thoshte “Për hajër”. Rama nuk e ka Begajn. Ai është i pavarur”, tha Braho.
Ndërsa në lidhje me Ilir Metën në klrye të Presidencës në pesë vitet e fundit, ish- deputeti tha se i vinte një notë kaluese.
“Ti vëmë një notë 5 kaluese.
Do të mbahet mend për dekoratat që arrijnë shifra me tre zero, për aksionet politike të ashpra pa sens, për kthimin e dekreteve pa motivacion të arsyetuar, për ngjitjet në male një nga pasionet e hershme.
Për tu harruar, në momente të fushatave elektorale është treguar i papërmbajtur, ehe pse duhen vlerësuar takimet me diasporën, por nuk krijoi unitet mes shqiptarëve, çka është detyra 1 e presidentit”, tha Braho.
Ai shtoi se Meta ka qenë më mirë në rolin e kryeministrit se sa të presidentit apo ministrit.
“E vlerësoj më shumë si kryeministër. Ka qenë një 2 vjeçar, njeri i punës, u ndërmorën mjaft reforma veçanërisht ajo zgjedhore. Pati një bum të madh investimesh në shumë rrugë të Shqipërisë”, tha ai.
