Kryetari i Kuvendit Ilir Meta ka bashkëbiseduar me kryeparlamentarin e sapo-zgjedhur të Maqedonisë, Telat Xhaferri.
Meta i ka shprehur shqetësimin dhe keqardhjen homologut të tij në lidhje me dhunën e ushtruar ditën e djeshme në kuvendin e Maqedonisë.
“Shpreh keqardhje per dhunen e papranueshme ne ambjentet e parlamentit te Maqedonise.”- është shprehur Meta.
Meta e ka siguruar Talat Xhaferrin se ka mbështetjen e plotë të kuvendit të Shqipërisë, duke i uruar atij, suksese në postin e ri si kryetar i parlamentit.
Në përfundim të komunikimit telefonik midis të dyve, Meta ka theksuar se konflikti që ka shpërthyer në Maqedoni dhe që degradoi ditën e djeshme në dhunë, vjen si pasojë e politikës dhe jo çështjeve ndëretnike.
“Mbeshtesim zgjidhjen e krizes ne Maqedoni permes mjeteve kushtetuese e demokratike. Konflikti eshte politik jo nder-etnik”- i ka thënë Meta homologut të tij./a.m.
