Kryetari i Kuvendit, Ilir Meta, u ka bërë thirrje të gjitha palëve në Kuvend që të përafrojnë qëndrimet dhe të miratojnë Reformën në Drejtësi, pasi nuk ka kohë më për të humbur. Sipas tij, reforma në drejtësi është thelbësore dhe se udhërrëfyesi I ardhur nga Komisioni I Vnenecias është tashmë I pakontestueshëm. “Palët duhet të përafrojnë qëndrimet në mënyrë konstruktive. Tashmë në Kuvend shtrohet çështja e miratimit të Reformës pa vonesë, pasi nuk kemi kohë për të humbur. Është momenti që së bashku të punojmë për një marrëveshje sa më konsensuale. Reforma nuk duhet trajtuar thjeshtë si një çështje numërash”, ka theksuar Meta. Kreu I Kuvendit ka propozuar që të palët të bien dakord për të hartuar një kalendar veprimesh, duke filluar nga pikat ku nuk ka kundërshti dhe për shkuar drejt atyre çështjeve që janë më të debatueshme. “Të gjitha palët duhet të përfarojnë qëndrimet sa më bjektive ndaj rekomandimeve. Për çështjet që nuk biem dakord duhet të kërkojmë dhe këshillimin e EURAlius dhe OPDATE”, thekson Meta. Ai ka theksuar se duhet mbajtur fokusi tek reforma në Drejtësi dhe t’i jepet fund veprimeve taktike që bëhen me apo pa dashje nga forcat politike, të cilat synojnë të çfokusojnë objektivin kryesor që është reforma në drejtësi.
