Ish-kryetari i LSI dhe njëherazi presidenti i zgjedhur, Ilir Meta, ka sulmuar nga Lushnja kryetarin e PD, Lulzim Basha, pasi ky i fundit e quajti më herët “tregtar Venediku”.
Meta tha se LSI do të dalë forcë e parë politike, ndërsa fshikulloi Bashën kur tha se qytetarët s’do votojnë ata qe e nisën te Çadrën e Lirisë dhe përfunduan te Çadra e Oligarkisë.
Për një drejtim të ri, LSI do të dalë forcë e parë politike për të ardhme të sigurt për të rinjtë.
“LSI forcë e parë, se u çmendëm nga politikanët që e nisin te Çadra e Lirisë dhe e mbyllin te Çadra e Oligarkisë”, u shpreh Meta.
Duke shprehur besimin se LSI do dalë forcë e parë në 25 Qershor, Meta tha sërish se Petrit Vasili, i kandidon si i pari i listës në Qarkun e Fierit, do jetë kryeministri i ardhshëm.
“Jemi krenar qe kemi në krye të listës së Fierit kryeministrin e ardhshëm Petrit Vasilin, i cili e njeh shumë mirë këtë qark dhe do bëjë që qarku i Fierrit të jetë qendra e zhvillimit ekonomik të Shqipërisë”, tha Meta.
