Kryatari i Partisë së Lirisë, Ilir Meta, është shprehur i bindur te fitorja e opozitës në zgjedhjet e 14 majit, duke shtuar se askush nuk mund t’i shpërqëndrojë ata nga fitorja.
Përmes një postimi në faqen e tij në Facebook, Meta është shprehur se errësira dhe mungësa e transparencës ndaj qytetarëve nga bashkitë e kontrolluara nga “Rilindja, do të marrin fund pas 14 majit.
Krahas fjalës së tij ai ka postuar edhe një pjesë nga fjala e tij gjatë një konference, ku thotë se çdo shqiptar do të votojë ndryshimin që të ndalojë shpopullimin dhe shkretimin.
“Askush nuk mund të na shpërqendrojë nga fitorja e padiskutueshme që pritet në Tiranë, në Durrës, në Elbasan dhe në të gjithë Shqipërinë. Errësira dhe mungesa e transparencës ndaj qytetarëve nga bashkitë e kontrolluara nga “Rilindja”, pas 14 Majit do të marrin fund njëherë e përgjithmonë. ✌️”, është shprehur Meta.
Monika Kryemadhi para zgjedhjeve të fundit parlamentare deklaronte se opozita do të merrte mbi 90 deputetë në Parlament. Veçanërisht për LSI parashikonte deri në 30 mandate, por në fakt siguruan vetëm 10% të parashikimit.
/s.f
