Kryetari i Lëvizjes Socialiste për Integrim Ilir Meta ka shuar zërat për një për një përçarje të mazhorancës për shkak të rezultatit të zgjedhjeve vendore. Në deklaratën e parë për mediat mbi rezultatin e zgjedhjeve, lideri i LSI-së ka vlerësuar si të jashtëzakonshëm rezultatin e partisë së tij në disa qarqe të vendit.
Meta veçoi rezultatin në Tiranë, Durrës, Fier, Elbasan, Gjirokastër, Korçë dhe Shkodër. Duke uruar 61 kandidatët fitues të bashkive në vend, kryeparlamentari e cilësoi procesin si “më të qetë dhe të lirë’ që është zhvilluar ndonjëherë në Shqipëri duke e konsideruar si realizimin e objektivit më të madh.
“Falënderoj të gjithë qytetarët që kanë shkëlqyer më 21 qershor duke marrë pjesë me shumë qetësi dhe kulturë. Zgjedhjet më të qeta dhe më të lira të zhvilluar ndonjëherë në vendin tonë. Uroj të gjithë fituesit e 61 kryetarët e bashkive të vendit. Nuk kemi realizuar çdo objektiv, por objektivi kryesor i standardeve të zgjedhjeve është i realizuar. Pavarësish se u punua në mënyrë sistematike për të dëmtuar imazhin e zgjedhje nga ata që kishin frikë nga rezultati i zgjedhjeve”, u shpreh Meta duke shtuar, “por pas 21 qershorit kemi vetëm të fituar se të gjithë kanë shpallur fitoren. Rezultati i kënaq të gjithë dhe kjo është shumë pozitive.” tha Meta
I pyetur për Bashkinë Vorë, Meta tha se, u “takon përfaqësuesve ligjorë të LSI në KQZ” të vendosin se cilën rrugë do të ndjekin, por shtoi se “duhet ndjekur rruga ligjore dhe institucionale nga këto që ka ankimime”.
