Presidenti Ilir Meta ka përshëndetur nga Lezha ndalimin e Klement Balilit.
“Balili, një person me probleme mjaft serioze me ligjin. Dua të falenderoj agjencitë ligjzbatuese dhe partnerët ndërkombëtarë për këtë rezultat” – mësohet të ketë thënë Meta.
Kujtojmë se në shkurt të vitit 2017, Ilir Meta mblodhi madje Këshillin e Sigurisë për kërkimin e Balilit.
Ky i fundit ka qenë zyrtar i LSI-së në Sarandë, gjatë bashkëqeverisjes së Ilir Metës me Edi Ramën.
Deri në momentin e shpalljes në kërkim, Klement Balili mbante postin e kreut të Drejtorisë Rajonale të Transporteve, i emëruar nga LSI.
***
Klement Balili është shpallur në kërkim që prej muajit dhjetor të vitit 2016.
Pas lajmi në media, 43-vjeçari i mohoi akuzat për lidhje me trafikun e drogës dhe krijimin e një grupi të strukturuar kriminal.
Balili tha se akuzat ishin shpifje, ndërkohë që nuk vonuan disa ditë dhe Balili u arratis.
Ish-ambasadori amerikan, Donald Lu, nuk ngurroi t’a quante Balilin “peshk i madh”. Balili drejtoi drejtorinë e Transporteve dhe ishte emëruar nga LSI.
Aktualisht ndaj Balilit rëndon akuza e trafikut ndërkombëtar të drogës, krijimit të grupit të strukturuar kriminal, pastrimit të parave si dhe kultivimit të narkotikëve.
/javanews/a.rada
