Deklaratat e meparshme nga eksponente te ndryshem te LSI qe Ilir Meta mund te jete kryeministri i ri i vendit, duket se nuk kanqe qene kot. Me shume ze atyre deklaratave u ka dhene sot edhe numri dy i LSI, njeheresh ministri i Drejtesise, Petrit Vasili, i cili nga studio e emisionit “Kjo jave”, ne News24, ka thene se kete gje forca politike ku ai ben pjese do ta kerkoje ne baze te rezultatit qe do te kete ne zgjedhjet parlamentare.
“Jam shumë i lumtur se edhe takimet ku jane bere keto deklarata kane qene shume te mira. LSI është një forcë politike që hyn në zgjedhje për të fituar, ka pasur gjithnjë ambicie, jashtë kësaj pune të palodhur s’do ishte këtu, do ishte një parti humbëse. Natyrshëm LSI do vazhdojë të punojë fort që t’i arrijë këto standarte sa më të larta,
sigurisht që janë votuesit që e thonë fjalën, do presim cfarë do vendosin ata pastaj do marrim vendimin se cfarë do kërkojmë”.
Petrit Vasili, i cili ishte ne krahe te Ilir Metes ne darken e peshkut me Edi Ramen dhe Erion Veliajn, ka treguar sot per here te pare disa detaje nga ai takim, ku nenvizoi se ishte nje darke mes kolegesh politike dhe klima ishte mjaft miqesore.
“Darka ishte shumë miqësore dhe këtu nuk fsheh gje, po të ishte hermetike dhe e fshehtë s’do ishte në Pazarin e Ri. Ilir Meta kishte edhe një lloj nostalgjie se në rini ka banuar shumë afër asaj zone, unë e kam frekuentuar shpesh per 10 vjet, kishim një kërshëri për të parë një lloj transformimi. Pazari i ri ka qenë vendi i qofteve, aty ishim në lokal peshku, kishte shume thyerje ajo darke, me peshk larg detit… besoj ishte një klime normale dhe miqësore, bëhej fjalë oër një darkë kolegësh politikë”, tha ai ne emisionin “Kjo Jave” te “News24”.
