Meta: Ka plot mënyra për të komunikuar me Ramën edhe pa u takuar
E ndërkohë kur duket hapur se mes dy liderëve të koalicionit qeverisës ka një klimë mosbesimi me prespektivë për t’u thelluar në vazhdim, Ilir Meta në një intervistë për gazetaren e Ora News Mimoza Picari ndalet në disa momente kyce të sjelljes së qeverisë ndaj biznesit dhe politikave të saj për ekonominë.
Ai sugjeron që lufta ndaj informaliteti të mos marrë nuanca arbitrariteti ndërkohë pranon se biznesi po kalon ditë të vështira. Zoti Meta ia atribuon historive rozë të verës, zërat për një hendek në komunikimin me Kryeministrin Edi Rama duke shmangur komentet e tepërta dhe duke u mjaftuar me faktin se ka plot mënyra për të komunikuar edhe pa u takuar.
