Presidenti i Republikës Ilir Meta ditën sotme ka reaguar për ikjen e të rinjve nga vendi.
Në një postim në Facebook ai ka shpërndarë një analizë të profesorit të njohur Bajram Hysa për demokracinë, duke dhënë edhe një mesazh të fortë.
Analizën, Meta e ka cilësuar si një refkejtim, ndërsa e Prof.Dr.Bajram Hysa thotë se pa një pjesëmarrje aktive të popullsisë në tërësi dhe të të rinjve në veçanti, demokracia do të mbetet e mangët dhe e brishtë.
Postimi i Metes:
Një analizë e shkëlqyer e Prof.Dr.Bajram Hysa, që na fton për reflektim të gjithëve:
“Demokracia nuk mund të sajohet. Demokracia kërkon energjinë e të rinjve, ndryshe ajo zvetënohet.
Pa një pjesëmarrje aktive të popullsisë në tërësi dhe të të rinjve në veçanti, demokracia do të mbetet e mangët dhe e brishtë.
Kjo është një detyrë urgjente. Vetëm kështu ata do të luajnë plotësisht rolin e tyre si qytetarë.
Vetëm kështu ata do t’i gëzohen lirisë dhe dinjitetit. Por që të realizohet kjo, duhet të funksionojë edukimi.”
g.kosovari
