Kryetari i LSI-së Ilir Meta ishte sot në Fier nga ku ai iu pëgjigj interesit të gazetarëve për një sërë çështjesh të nxehta të aktualitetit polititik. Meta u pyet edhe për çështjen e presidentit dhe veçanërisht për qarkullimin e një lajmi se ai i ka propozuar Ramës emrin e Sali Berishës për president.
Por ja si përgjigjet Meta: “Natyrisht që nuk ekziston asnjë emër i përveçëm pasi edhe për çështjen e Presidentit ne kemi shprehur vullnetin për dialog dhe për zhvilluar një proces bashkëpunues dhe mundësisht konsensual me opozitën. Është një tjetër tregues i përpjekjeve për normalizimin e situatës politike në vend dhe sidomos të procesit zgjedhor”, tha ai.
Ndëkorhë, Meta duket se ka ndryshuar disi qëndrim edhe nga propozimi i tij fillestar për ‘qeverinë e besimit’.
Gazetari: Vazhdoni t’i qëndroni idesë së krijimit të një qeverie “besimi”?
Meta: Vazhdoj t’i qëndroj idesë se duhet patjetër t’i japim besim të gjithë qytetarëve shqiptarë për një proces të dejtë, për një vend evropian, për zgjedhjet e ardhshme dhe për këtë duhet bërë çdo përpjekje, si nga qeveria aktuale dhe mazhoranca aktuale, por është e rëndësishme që këto përpjekje të bëhen edhe nga opozita përmes dialogut dhe kuptohet edhe tolerancës reciproke.
/a.m.
