Një ditë pas rezolutës ku 100 deputetë votuan kundër tij, Presidenti Ilir Meta ka sulmuar Kuvendin.
Në një aktivitet të Ditës Botërore të Dhurimit të Gjakut, Meta u shpreh se është zgjedhur nga një Kuvend legjitim dhe jo nga ai ekzistues.
“Presidenti është zgjedhur nga Parlamenti, por jo nga ky. Është zgjedhur nga një Parlament legjitim. Dhe Parlamenti i përket Republikës, ndërsa Republika i takon qytetarëve” – tha Meta.
Ai komentoi edhe “çdrekretimin” teksa tha se mund të ankimohet edhe në Gjykatën e Skraparit.
Presidenti shtoi se nuk mund të ndalojë asnjë që të çmendet. I pyetur përse nuk i ka thirrur palët në tryezë dialogu, Meta shtoi se kjo do të realizohet sa më parë të jetë e mundur.
Pyetur se kur do të kemi një datë për mbajtjen e zgjedhjeve, Meta ka dhënë këtë përgjigje:
Sa më parë të jetë e mundur, unë do punoj me shumë qetësi dhe me shumë përgjegjësi, dekreti është në fuqi është i detyrueshëm për të gjithë, presidenti mban parasysh me shumë vemendje cdo institucion që shkel ligjet.
Dekreti mund të gjykohet edhe nga gjykata e Skraparit që nuk ekziston dhe presidenti nuk ndalon askënd që të cmendet.
Në fund, Meta ka bërë një thirrje dhe një paralajmërim për këdo që sipas tij ecën në rrugën e papërgjegjshmërisë.
“Shqipëria ka nevojë për zgjedhje të lira e të ndershme se vetëm ato sigurojnë çeljen e negociatave.
Dekreti është në fuq, i zbatueshëm, i detyrueshëm për të gjithë, kush dëshiron të ecë në rrugën e paligjshmërisë të vazhdojë është e drejta e tij, presidenti ka të drejtë të bëjë thirrje cdo ditë për reflektim”.
Çfarë pasojash do të kenë ata që ecin në rrugën e paligjshmërisë?
Ata do të kenë pasojat që kanë ata që do të provokojnë paqen sociale dhe sistemin demokratik në vend.
Pas debateve të një dite më parë në Kuvend, rezoluta kundër anulimit të 30 Qershorit mori 100 vota të mazhorancës dhe opozitës. Ndërsa deputetët kanë mbledhur edhe 55 firma për shkarkimin e Ilir Metës si President të Republikes.
/javanews/a.r
