Në prag të Krishtlindjes, presidenti Ilir Meta vizitoi Qendrën Shqiptare për Integrimin e Njerëzve me Nevoja të Veçanta në Elbasan.
Në mesazhin e tij, kreu i shtetit shprehet se ndau me ta shumë urime e buzëqeshje, por dhe dhurata me rastin e festave të fundvitit.
Njeheresh, teksa kryetarja e LSI Monika Kryemadhi ka bere publike kandidimin e saj ne Elbasan, nje zbarkim i tille i Presidentit me dhurata ne “kerthizen” e vendit Elbasan, mund te quhet dhe nje ndime per bashkeshorten ne fushaten e ardhshme.
Aq me teper qe mbetet mister nese dhuratat jane blere me rrogen e Metes si President, apo eshte eshte ndonje donacion, i cili per arsye “etike” nuk permendet!
Mesazhi i plotë i Metes:
Në prag të Krishtlindjes, vizitova Qendrën Shqiptare për Integrimin e Njerëzve me Nevoja të Veçanta në Elbasan, me dëshirën më të madhe për t’u takuar nga afër me fëmijët e mrekullueshëm me nevoja të veçanta, për të ndarë me ta shumë urime e buzëqeshje, por dhe dhurata me rastin e festave të fundvitit.
Është tepër e rëndësishme që këta fëmijë dhe familjet e tyre, të mos ndihen të përkrahur vetëm në prag të ditëve festive, por të mbështeten në mënyrë të përhershme, si nga institucionet shtetërore, ashtu edhe nga shoqëria, veçanërisht në këtë situatë të vështirë shëndetësore, ekonomike dhe sociale, që po kalon vendi ynë për shkak të pandemisë COVID-19.
Duhet të nxitim një ndjenjë më të fortë të solidaritetit dhe vullnetarizmit, për t’ju garantuar një integrim të plotë në shoqëri dhe të gjitha mundësitë për të qenë sa më të pavarur në jetë.
Nga Elbasani, ju uroj edhe të gjithë fëmijëve të Shqipërisë, të kalojnë sot një mbrëmje sa më të gëzuar festive Krishtlindjeje!/a.p
