Avokati Spartak Ngjela i ftuar në studion e lajmeve në RTV Ora ka folur nëse do të ketë apo jo zgjedhje të parakohshme në Shqipëri, pas krizës politike që ka kapëluar vendin.
Ndër të tjera, avokati ka komentuar deklaratën e presidentit Ilir Meta, i cili disa ditë më parë ka thënë se është i gatshëm të vrasë edhe veten për të mos lejuar krijimin e Juntave Ushtarake.
Ngjela tha se kjo ishte një deklaratë me të cilën u tallën shqiptarët, ndërkombëtarët, madje edhe amerikanët nuk e përfillën.
Ngjela: Shqiptarët ta matin mirë se kë zgjedhin. Si mundet presidenti i një vendi të NATO-s të thotë që do vras veten që të shpëtojë Juntat. Këto janë psikologjia e një 13-vjeçari, por është fatkeqsi që drejton Shqipërinë. Ai nuk drejton ndonjë gjë të madhe, po gjithsesi është president. E mori vesh e gjithë bota që ai tha unë mund të vras veten.
Gazetarja: Ishte deklaratë që bëri jehonë në shumë media ndërkombëtare.
Ngjela: U tallën. U tallën shqiptarët brenda. Biles disa i thoshin me cinizëm ik sa më shpejt. Janë budalliqe ato. Ku ka politikanë që thonë do vras veten. Ai komunikoi me amerikanët ata nuk e përfillën. Kërkon garanci. Nuk i jep njeri garanci. Po ka futur duart te paraja e shtetit do përgjigjet.
/a.rada
