Presidenti Ilir Meta ka dekretuar marrëveshjen për blerjen e 500 mijë vaksinave Pfizer që do të shërbejë për luftimin e koronavirusit.
Shpalljen e ligjit nr. 102/2021 “Për miratimin e aktit normativ, me fuqinë e ligjit, nr. 29, datë 13.9.2021, “Për miratimin e tekstit të disa ndryshimeve në marrëveshjen për prodhimin dhe furnizimin nga dhe ndërmjet Pfizer Export B.V. dhe Ministrisë së Shëndetësisë dhe Mbrojtjes Sociale të Shqipërisë, ministrit të Shtetit për Rindërtimin dhe Institutit të Shëndetit Publik, miratuar me aktin normativ nr. 3, datë 18.1.2021””.
Kjo marrëveshje është votuar më herët në Kuvend nga PD dhe PS, ku 500 mijë vaksinat e Pfizer do të shërbejnë për vijimin e vaksinimit masiv në vend.
