PSG dhe Manchester City janë dy skuadrat që kërkojnë shërbimet e Messit. Të dy klubet financohen nga fondet sovrane dhe përfaqësojnë zgjidhjen më të mundshme për një goditje të tillë. Sipas “The Athletic”, trajneri i PSG, Mauricio Pochettino kishte pasur një bisedë telefonike me yllin argjentinas.
PSG ka një deficit që tejkalon 200 milionë euro dhe është i detyruar të shesë para se të blejë. Nasser al Khelaifi, megjithatë, po studion një strategji për të mos pasur nevojë të heqë dorë nga Kylian Mbappé dhe kështu të shtojë Messin në klubin e tij. Ka shumë lojtarë që mund të shiten, por deri më tani askush nuk ka treguar vullnetin për tu larguar.
Rasti i Icardit, Sarabias, Herreras dhe madje edhe vetë Keylor Navas që kanë refuzuar largimet, por klubi francez do të kërkojë me patjetër largimin e disa futbollistëve, për ti bërë vend Leo Messit.
Nga aba tjetër tifozët e Barcelonës ende nuk janë në gjendje të pranojnë lamtumirën e Messit nga klubi katalanas. Siç raportohet nga portali Deportes Cuatro, shumë tifozë u shfaqën në hyrjen e qendrës sportive për të shprehur zemërimin e tyre pas njoftimit të lamtumirës së bujshme. Griezmann ishte më i fishkëllyeri gjatë mbërritjes: “Messi po largohet për shkakun tënd!”, ishin këto fjalët e tifozëve drejtuar francezit.
Sipas tifozëve, në fakt, zgjedhja e ish -sulmuesit të Atletico Madrid për të qëndruar në Barcelonë nuk e lejoi klubin të ketë paratë e nevojshme për rinovimin e argjentinasit. Për më tepër, sipas burimeve të brendshme, duket se marrëdhëniet mes dy lojtarëve ishin përkeqësuar disi.
g.kosovari
