Lionel Messi është detyruar të mungojë për ndeshjen kundër Malagas për arsye personale.
Argjentinasi pritej të ishte i gatshëm për ndeshjen që Barcelona e zhvillon sot, por klubi ka konfirmuar se 30-vjeçari do të mungojë dhe në vend të tij në listë është shtuar mbrojtësi Yerry Mina.
Sipas “Mundo Deportivos”, duke iu referuar gazetarit, Alfredo Martinez, Messi dhe Antonella janë bërë prindër për herë të tretë.
Antonella ka lindur të premten pas mesnate dhe kjo është arsyeja pse Messi nuk ka udhëtuar me skuadrën. Messi këtë sezon ka realizuar 31 gola në 37 paraqitje në të gjitha garat, përgatiti Express. (b.an)
