Lionel Messi mbulon distancë të madhe në fushë duke vrapuar, por argjentinasi duket i interesuar të jetë i madh edhe jashtë fushës. Superylli i Barcelonës ka vendosur të mbulojë pagat e papaguara të stafit të sigurimit të përfaqësueses së Argjentinës në futboll, siç raporton gazetari Juan Palo Varsky, përcjell Koha Ditore shkrimin e Daily Mail.
Gazeta “Sport” ka raportuar se Messi 29-vjeçar është kontaktuar nga punëtorët që nuk janë paguar për disa muaj, pak para ndeshjes kundër Brazilit para disa ditëve.
Gazetari Varsky duke folur për radion “Metro 95.1”, ka thënë: “Lionel Messi ishte në dhomën e tij duke pritur për ndeshjen kundër Brazilit në Belo Horizonte, kur dikush trokiti në derë. Ishin dy-tre persona, të gjithë të sigurimit që kujdesen për skuadrën e Argjentinës dhe i thanë: ‘Leo, duhet të flasim me ty. Për pesë-gjashtë muaj nuk na kanë paguar. Situata është e komplikuar, je kapiteni i skuadrës, na njeh ne, dhe po të kërkojmë ndihmë'”…(b.an)
