Ish deputetja e Partisë Demokratike, Mesila Doda tregon se përse u prish me Lulzim Bashën dhe shkoi te PDIU-ja. Sipas saj Olldashi do të ishte lideri i vërtetë i Partisë Demokratike.
Ju larguan apo u larguat vetë nga PD?
Unë isha në kontradiktë prej dy vjetësh me lidershipin e PD.
Kjo për shkak të mbështetjes së Olldashit?
Po prej kësaj është. Vazhdoj të mendoj që ai (Olldashi) do ishte lideri i vërtetë i PD-së. Shkaqet ishin që unë nuk i bindesha gjërave që mendoja se ishin abuzive në PD. Kam një eksperiencë të caktuar për të mos i thënë “derrit dajë”.
Këto probleme ishin edhe kur ishte Berisha kryetar?
Berisha ishte një lider historik, ishte një gjë tjetër. Edhe me Berishën kishte biseda intensive personale. Por me Berishën fliteshin gjërat dhe ishin aty, nuk ishte që bëheshin bisedat dhe pastaj dilje dhe thoje një gjë tjetër. Kishte një lloj peshe tjetër ai.
Keni komunikim me Berishën?
Po.
Po me Bashën?
Jo. Është çështja njerëzore që cedon shumë. Por e lëmë këtë se janë edhe në protestë.
Keni ambicie për tu bërë Presidente?
Unë jam shumë e re. Mimi Kodheli, Kryemadhi, Bregu, Vokshi mund të jenë kandidate.
ma.me
