Imzot Joan Pelushi, Kryepeshkopi i sapo zgjedhur i Kishës Ortodokse Shqiptare, ka dhënë sot meshën e parë në këtë mision të ri. Pelushi e ka zgjedhur ta jap meshën e parë në kishën e Korçës, ku ka shërbyer për 27 vite si mitropolit.
Pelushi u ndal në disa mesazhe, ku midis të tjerash ai ka thënë se sipas tij në këto kohë njerëzit po jetojnë në një errësirë shpirtërore. Pelushi thekson se ne do duhet të ngrihemi mbi pasionet, krenarinë dhe zilinë për tu afruar me gëzimin e jashtëzakonshëm.
“Zoti thotë të mohojmë veten. Kur Zoti thotë të mohojmë veten, atë pseudo vete, atë vete që krijohet tek vetja jonë nga pasionet, krenaritë, zilirat, gjithçka që e transformon në të keq. Gjithçka që kemi ne, vetja jonë e vërtet është thellë brenda nesh, edhe duke mohuar, pseudoveten ne do zbulojmë veten tonë, dhe do zbulojmë veten tonë të vërtet. Edhe duke zbuluar atë kemi zbuluar perëndinë, edhe perëndia do t’i jap botës tonë gëzim të jashtëzakonshëm. E ndriçim shumë të madh. Ne sot jetojmë në një errësirë shpirtërore”, tha Pelushi.
