Analisti Agim Baçi u shpreh në studion e News24 se kryetari i PD, Sali Berisha po jep një mesazh për partitë e vogla përmes protestës së sotme para Kryeministrisë.
Baçi tha se qeveria nuk largohet me protesta, por tubimet shërbejnë për të përmirësuar jetën brenda partiake. Ai tha se shqiptarët kanë arsye për të protestuar shumë më tepër se qytetarët e Beogradit që janë ngritur për të larguar nga pushteti Aleksandar Vuçiç.
Agim Baçi: Qeveritë nuk rrëzohen me protesta. Protestat janë për të organizuar jetën e brendshme të partive. Berisha me këtë protestë tregon se ajo që i thërret shqiptarët dhe që ka më shumë mbështetje është PD.
Pra i drejtohet partive të tjera se është momenti për t’u bërë bashkë. Ka nevojë për rotacion vendi, por se si do ta bashkojë opozitën Berisha nuk e dimë. Protesta e sotme do të ndezë edhe më shumë zjarrin, por protesta që rrëzojnë qeverinë janë ato që nuk largohen nga rruga. Kemi parë shumë vite më parë në Ukrainë apo sicc po shohim në Beograd ku qytetarët nuk janë thirrur nga partitë politike. Shqiptarët kanë më shumë arsye për t’u ngritur se ata që po protestojnë sot në Beograd.
