Komisioneri i BE-së për Zgjerimin, Olivér Várhelyi deklaroi dje në Beograd se, pavarësisht nga arritjet e saj në lidhje me integrimin europian, Serbia nuk mund të përparojë drejt anëtarësimit në BE pa arritjen e një marrëveshjeje me Prishtinën.
“Marrëdhënia mes Serbisë dhe Kosovës është çështje thelbësore për të gjithë rajonin. Ne presim nga të dy vendet që ato të arrijnë një zgjidhje paqësore afatgjatë”, tha ai.
Várhelyi iu përgjigj komentit të bërë nga një gazetar, i cili tha se ishte krijuar përshtypja se cilatdo të ishin arritjet e Serbisë në integrimin europian, ato nuk do të kishin rëndësi derisa të bëhej një lloj marrëveshjeje me Kosovën.
“Mendoj se e more përgjigjen për pyetjen tënde”, i tha ai gazetarit. /e.s/
