Mesazhi i ndjerë i Ditmir Bushatit për të atin: M’u shua drita udhëheqëse, prehu në paqe i shtrenjti ynë!

Ish-ministri Ditmir Bushati ka bërë reagimin e parë pas vdekjes së babait të tij, Sulejman Bushati.

Përmes një statusi në rrjetet sociale, Bushati i ka dhënë lamtumirën të atit, teksa shkruan se për të është shumë e vështirë kjo ngjarje, pasi i është shuar drita udhëheqëse.

“Im Atë u shua sot në Boston, pas një beteje të vështirë me një sëmundje të rëndë.

Nuk ka fjalë për të përshkruar dhimbjen e fëmijës për prindin kur shuhet drita udhëheqëse, dashuria e së cilës na ndriçon rrugën.

E ardhmja është një premtim, thoshte shpesh ai, dëshmi e shpirtit optimist e zemrës së madhe me të cilin jetoi jetën.

Prehu në paqe i shtrenti ynë!“- shkruan Ish-ministri Bushati.