Real Madrid nuk mund t’i rri larg Barcelona-s. Edhe pse këta të fundit tentojnë të largohen me 5 pikë, Real Madrid, zhvillon një super-ndeshje kundër Celta Vigo-s, duke u afruar përsëri me 2 pikë diferencë.
Morali i “galaktikëve” është rritur ndjeshëm pasi kanë mësuar se në Champions do të përballen me Juventus-in ndaj dhe sot në fushë Real Madrid dukej në formë të mirë dhe tejet i motivuar për ta mbyllur ndeshjen sa më parë.
Celta Vigo shfrytëzon faktorin fushë, duke shënuar e para ndaj “merengues” të cilët kohët e fundit konfirmojnë se mbrojtja fut “ujë”. Gjithsesi gëzimi vendas zgjat vetëm 20 minuta, pasi Real Madrid arrin të kthejë ndeshjen në favor të tij pas golave të Kroos dhe Hernandez. Celta nuk heq dorë nga krijimi i telasheve për udhëtuesit, duke e barazuar sfidën në 2-2, por Real ka më shumë “armë” ndaj dhe me një qetësi kampioni merr përsëri avantazhin
Pas pushimit udhëtuesit marrin përsëri kontrollin e lojës dhe këtë radhë është “heroi” i Champions-it, Hernandez, i cili shënon dopjetën e tij personale, duke e “gozhduar” fitoren e Real-it. Hernandez shpallet dhe lojtari më i mirë i ndeshjes, duke hedhur poshtë fjalët e Thierry henry, i cili e krahason me një sulmues normal.
Redaksia Online
(JavaNews.al)
