Merret peng një person në plazhin e Spillesë. Policia ka mundur ta lirojë dhe të prangosë 3 autorët të cilët morën me forcë në makinë 54-vjeçarin me inicialet A.D.
“Më datë 17.07.2017, në plazhin e Spilles, 3 shtetas në bashkëpunim me njëri-tjetrin, kanë marrë në mjetin tip “Rover”, pa targa, shtetasin A. D., 54 vjeç, të cilin e kanë dhunuar fizikisht dhe më pas e kanë mbajtur jashtë vullnetin të tij, në vende të ndryshme”- njofton policia.
Sipas policisë, nga specialistët për hetimin e krimit Kavajë u ngrit puna për kapjen e këtyre shtetasve të cilët më datë 18.07.2017 bënë të mundur arrestimin e tre personave.
“Ne pranga u vune shtetasit Z.Xh., 31 vjeç. B.Ç., 32 vjeç. B.M., 25 vjeç”-thote policia.
Materialet u referuan në Prokurorinë e Rrethit Gjyqësor Kavajë, për veprën penale ” Heqje paligjshme e lirisë”, parashikuar nga neni 110/2 i Kodit Penal./a.m.
