Detaje të reja kanë dalë nga grabitja me armë që ndodhur në autostradën Lushnje-Fier rreth orës 21:30, në vendin e quajtur “pushimi i shoferit”.
Sipas korrespondentes së Klan News, Anila Sefa, 2 persona i kanë dalë para një personi rreth të 40-ave, të maskuar dhe me armë në dorë. I kanë kërkuar që të ndalojë automjetin dhe më pas e kanë detyruar që të zbresë prej tij. Autorët i kanë thënë presë së tyre “të marrë telefonin, të mos bëjë zë dhe të largohet menjëherë nga automjeti”.
40-vjeçari kishte një automjet tip “Benz” ngjyrë gri, ndërsa 2 personat që i kanë dalë përpara kanë qenë të maskuar dhe të armatosur. Njëri prej tyre mbante armë tip pistoletë ndërsa tjetri një armë kallashnikov. Ata kanë ardhur në vendin e ngjarjes me një automjet me targa angleze, i cili më pas ka rezultuar i vjedhur.
Korrespondnetja e Klan News, Anila Sefa bën të ditur se pasi ka marrë telefonin, ai ka telefonuar Policinë dhe ka treguar të gjithë atë se çfarë ka ndodhur. Më pas, 40-vjeçari nuk ka shquar se kush kanë qenë ato pasi nën kërcënimin e armës, ai ka pësuar një traumë dhe nuk ka shquar asnjë detaj të veçantë.
Dyshimet janë që autorët pas grabitjes së automjetit, janë drejtuar nga Elbasani dhe më pas drejt Tiranës. Deri më tani, nuk ka të dhëna të tjera, nuk ka pasur as të shtëna armësh dhe as plagosje.
Uniformat blu kanë ngritur postblloqe për kapjen e tyre, por deri më tani nuk ka asnjë shenjë të tyre.
/a.r
