Një tjetër kandidat nga listat e Partisë Demokratike ka dorëzuar pranë Komisionit Qendror të Zgjedhjeve formularin e dekriminalizimi duke hapur kështu rrugën për të marrë mandatin e deputetit. Bëhet fjalë për Kujtim Gjuzin i cili del nga listat e PD-së në Durrës ku gjithashtu mban edhe postin e kryetarit të Partisë Konservatore. Bashkë me Gjuzin numëri i deputetëve në Kuvend shkon në 109.
Kujtojmë se Kujtim Gjuzi i cili pritet të marrë mandatin e deputetit, prej disa kohësh ka shprehur gatishmërin e tij për tu bërë pjesë e Kuvendit. Ai pati edhe një debat me Sekretarin e Përgjithshëm të KQZ-së, Ylli Merkaj pasi kryetari i Partisë Konservatore kërkonte shpejtimin e procedurave që ai të merrte mandatin.
“Unë do vij ditë për ditë në KQZ nëse ka shqetësime për ato që ju thoni për vonesat në listat e kandidatëve.” deklaronte në fillim të prillit Gjuzi.
/a.meta
