Fadil Kasemi do të gjykohet nga Krimet e Rënda. Gjykata e Lartë i ka dhënë rrugë ngërçit të çështjes së vrasjes së gjyqtares Fildez Hafizi nga bashkëshorti i saj Fadil Kasemi.
Gjykata e Lartë ka vendosur që çështjen ta gjykojnë Krimet e Rënda.
Kjo çështje prej rreth një viti po shëtiste sa në Gjykatën e Krimeve të Rënda në atë të Shkallës së Parë të Tiranës, pa mundur dot të shqyrtohej.
Më 30 maj, Gjykata e Tiranës ia përcolli dosjen Gjykatës së Lartë, pasi ishte e paqartë mbi kompetencën për shqyrtimin e çështjes.
Por, të njëjtin problem më parë e kishte konstatuar edhe Gjykata e Krimeve të Rënda e cila e kishte transferuar çështjen në Gjykatën e Shkallës së Parë, pas një vendimi të Gjykatës së Lartë.
Familjarët e gjyqtares së ndjerë iu drejtuan me një letër autoriteteve kryesore të vendit, duke vënë në dijeni edhe ambasadorët e SHBA-së dhe BE-së në vendin tonë pasi afatet e paraburgimit kalonin duke rrezikuar lirimin e autorit të krimit.
Babai i gjyqtares Bynjamin Hafizit kërkonte vëmendjen dhe përshpejtim të procedurave, pasi vonesat rrezikonin lirimin e vrasësit të së bijës. Pas vendimit të Gjykatës së Lartë, tashmë pritet në nis gjykimi nga Gjykata e Krimeve të Rënda.
ma.me
