Një gomone është sekuestruar pas 5 orë ndjekjeje hap pas hapi në zonën e plazhit të Vjetër në qytetin e Vlorës.
Delta Force e qytetit të Vlorës, Guardia di Finanzia, dhe Roja Bregdetare e Vlorës kanë mundur të lokalizojnë gomonen dhe ta sekuestrojnë atë.
“Përndjekja” ka vijuar nga zona e Zvërnecit-plazhi i vjetër dhe vazhdoi për në Orikum. Ndërkohë në ndjekje u vu edhe një helikopter, i cili inspektoi gjithçka nga ajri.
Gomonia u sekuestrua ndërsa për fat të keq, nuk u gjet asnjë sasi droge siç pritej.
Dyshohet se trafikantët me t’u pikasur nga Policia e kanë hedhur në det lëndën narkotike, e cila mendohet se ka qenë e rregulluar në pako.
Megjithatë, kërkimi për të arrestuar dy skafistët vazhdon.
Policia deklaroi më herët se mjeti po bënte manovra të dyshimta në afërsi të ishullit të Sazanit, gjë e cila bëri që autoritetet të shkojnë për ta ndaluar.
Por, sapo drejtuesit e mjetit lundrues kanë kuptuar se drejt tyre është nisur policia, janë larguar me shpejtësi.
g.kosovari
