Trageti i linjës Bari – Durrës me 260 pasagjerë u përfshi nga flakët mesnatën e së martës orës 24:00.
Lajmi u konfirmua nga kapiteneria e Portit të Barit, sipas së cilës zjarri kishte rënë në tragetin ‘’Françeska’’ i nisur nga Bari rreth orës 23:00 dhe pritej të mbërrinte në Durrës rreth orës 08:00 të mëngjesit të sotëm.
Sipas mediave italiane flakët e zjarrit u normalizuan në orët e para të mëngjesit, ndërsa trageti u përfshi nga flakë rreth 7 milje larg nga porti i Barit.
Merr flakë trageti Bari-Durrës, qindra udhëtarë në rrezik
Trageti i linjës Bari-Durrës është përfshirë nga flakët në orët e vona të kësaj të marte. Lajmi konfirmohet edhe nga kapiteneria e Barit e cila thekson se bëhet fjalë për tragetin me emrin “Françeska” i cili është nisur nga Bari në orën 22:30.
Pasagjerët e linës, mes të cilëve edhe shtetas shqiptarë ndodhen në mes të detit rreth 8 milje larg bregut.
Sinjalizimi është dhënë nga vetë ekuipazhi i tragetit civil, i cili ka shpërndare edhe jelekët e shpëtimit për udhëtarë.
Sipas dëshmisë së pasagjereve u është thënë të evakuohen në kuvertë. Sipas udhëtarëve flaka ka shpërthyer në turbinat e tragetit.
Ndërkohë në vendin e ngjarjes kanë mbërritur menjëherë forcat italiane të shpëtimit të cilat po monitorojnë situatën, ndërsa ka nisur puna për neutralizimi i flakëve.
Edhe kapiteneria e tragetit bëhet e ditur se nuk ka dhënë sinjalin SOS, çka të lë të kuptosh se situata është drejt normalizimit.
