Gazetari Mero Baze ka ironizuar përshëndetjen e Sali Berishës për referendumin e djeshëm ku tha se tashmë demokratët janë të lirë për të zgjedhur.
Përmes një postimi në rrjetet sociale, ai shkruan:
“Berisha thotë se më në fund demokratët janë të lirë të votojnë dje të zgjedhin liderin e tyre. Madje citon dhe James Baker që e ka thënë këtë pas rrëzimit të komunizimit. Problemi është se këto 30 vjet demokratët nuk i ka penguar Enver Hoxha të votojnë por Sali Berisha. Tani që e përjashtuan nga partia mendoj që janë vërtet të lirë”, shkruan Baze.
Me heret, ish-kryeministri ka publikuar një video të ish-sekretarit amerikan të shtetit James Baker nga Tirana, ku ai shprehet:
“Nderim dhe mirënjohje të pakufishme 44 mijë demokratëve që me votën e tyre të lirë morën në dorë fatin e tyre!”, shkruan Berisha.
“Ju jeni të lirë të besoni atë që dëshironi. Më në fund ju jeni të lirë të pohoni atë që të dëshironi. Më në fund ju jeni të lirë të zgjidhni udhëheqësit tuaj”.
/b.h
