Kancelarja Angela Merkel ka refuzuar mbylljen e kufinjve për emigrantët, pavarësisht presionit të uhstruar nga partia partnere e kualicionit CSU. Sipas Deutsche Welle, një mbyllje e kufinjve gjermanë do të përkeqësonte situatën në Ballkan, një skenar ky që Kancelarja Merkel kërkon të shmangë.
“Mbyllja e kufijve do të shkaktonte kritika dhe grindje mes vendeve të ndryshme”, citohet të ketë thënë ajo në takimin e partisë së vetë, CDU, të mbajtur në Darmshtadt.
“Qëllimi im nuk është të përhap pesimizëm, por duhet të jemi të vetëdijshëm se gjendja në Ballkan mund të përshkallëzohet më shpejt nga sa mund të mendohet”- ka thënë Merkel.
Të tilla pohime, kancelarja i ilustroi me ngërçin e krijuar nga ngritja e murit në kufirin e Hungarisë me Serbinë dhe efektin domino që ky veprim pati me vërshimin e refugjatëve në Kroaci e Slloveni.
“Vendet e Ballkanit perëndimor edhe kështu kanë vazhdimisht mosmarrëveshje me njëri-tjetrin. Nuk dua që atje sërish të jenë të domosdoshme ndërhyrjet ushtarake”, theksoi Merkel.
Vala e refugjatëve që kalojnë më së pari nga Maqedonia e Serbia, për të vazhduar në veri të Europës ka sjellë përplasje të forta mes Serbisë dhe Hungarisë, Serbisë dhe Kroacisë, si dhe Kroacisë me Slloveninë.
