Kancelarja gjermane, Angela Merkel tha të premten se qeveria e saj ka dhënë miratimin për një hetim zyrtar kriminal kundër një komediani që ka fyer presidentin turk, Recep Tayyip Erdogan. I ftuar në një emision televiziv, Jan Boehmermann, përballet me një hetim paraprak sepse kishte fyer Erdoganin duke recituar një poezi në të cilën akuzonte liderin turk se shikon pornografi me fëmijë dhe se kryente marrëdhënie seksuale me kafshët.
Ndryshe nga një ankesë për shpifje që është plotësuar në mënyrë të pavarur nga Erdogani, hetimi, i cili bazohet në shkeljen e mundshme të ligjit që dënon fyerjet ndaj krerëve të shteteve të tjera, kërkon autorizimin e qeverisë gjermane.
Shumë gjermanë e shohin poezinë e Boehmermann pa shije dhe Merkel vetë e quajti si ”një ofendim të qëllimshëm”, madje kjo çështje ka hapur një debat të ashpër mbi limitet e fjalës së lirë në Gjermani dhe nëse ligji në fjalë duhet të hiqet, shkruan Dita. Kjo ka ngritur gjithashtu pikëpyetje mbi marrëveshjen e BE-së për të kthyer migrantët nga Greqia në Turqi, duke i bërë kritikët të thonë se liderët evropianë ndihen në borxh ndaj Erdoganit në përpjekjet e tyre të dëshpëruara për t’i dhënë fund krizës së refugjatëve.