Bundestagu gjerman voton në favor të fillimit të negociatave me Greqinë për këstin e tretë të ndihmës.
439 deputetë votuan pro, dhe 119 kundër , ndërsa 40 abstenuan.
50 deputetë të koalicionit të Merkel CDU/CSU votuan kundër planit për Greqinë, duke sfiduar Merkelin, gjithashtu edhe 63 deputetë nga partia e majta dhe 6 nga partitë e tjera ishin kundër.
***
Kancelarja gjermane, Angela Merkel theksoi sot se mosmiratimi i një program të ri ndihme për Greqinë do të ishte kaos dhe do të ishte plotësisht e papërgjejgjshme për të mos provuar të paktën krijimin e kësaj ndihme.
“Di që shumë prej jush kanë dyshime dhe shqetësime”, theksoi ajo para deputetëve të Bundestagut thirrur për t’u shprehur mbi parimin e kësaj ndihme.
”Askush nuk mund të justifikohet. Por, ne do të reagonim në mënyrë plotësisht të papërgjegjshme nëse nuk do të provonim të ndiqnim këtë rrugë”, theksoi ajo.
”Alternativa do të ishte kaosi”, deklaroi Merkel.
